Kitunguu Maji:
Kitunguu maji kwa kiingereza: Onion, ni kiungo ambacho kinatumika sana jikoni katika mapishi kwa karne nyingi. Lakini pia ni kiungo kinachojulikana sana duniani kwa ladha yake ya kipekee na faida nyingi kiafya kwa sababu kina virutubisho vingi na kemikali asilia zinazosaidia afya ya mwili wa mwanaume kwa ujumla.
Leo katika mada yetu ya blogu hii tutazungumzia baadhi ya faida za kitunguu maji kwa mwanaume Ungana nami katika kuchambua faida hizi.
1) Huimarisha Nguvu Za Kiume.
Kitunguu maji huboresha mzunguko wa damu kuelekea kwenye uume na kuchochea uzalishaji wa homoni ya kiume, testosterone, ambayo ni muhimu kwa hamu (libido) na uwezo wa kufanya tendo la ndoa.
2) Huongeza Stamina Na Uwezo Wa Kudumu Kitandani.
Virutubisho vilivyomo kwenye kitunguu maji husaidia kuongeza nishati mwilini, hivyo kumruhusu mwanaume kushiriki tendo la ndoa kwa muda mrefu bila kuchoka haraka.
3) Kuboresha Ubora Wa Shahawa.
Madini kama vile zinki na antioxidants zilizopo kwenye kitunguu maji husaidia kuongeza wingi na ubora wa mbegu za kiume, jambo linaloongeza uwezo wa kupata mtoto.
4) Kuimarisha Kinga Ya Mwili.
Kitunguu maji kina vitamin C, ambayo inasaidia kuimarisha mfumo wa kinga ya mwili wa mwanaume na kuupa uwezo wa kupambana na magonjwa.
5) Kupunguza Hatari Ya Magonjwa Ya Moyo.
Kitunguu maji kina uwezo wa kusaidia kupunguza kiwango cha cholesterol mbaya (LDL) na kuongeza cholesterol nzuri (HDL), hivyo kuboresha mzunguko wa damu na kupunguza hatari ya magonjwa ya moyo kwa mwanaume.
6) Kusaidia Kudhibiti Kiwango Cha Sukari Mwilini.
Kwa mwanaume mwenye ugonjwa wa kisukari (type 2 diabetes), kitunguu maji kinaweza kusaidia kupunguza kiwango cha sukari kwenye damu kutokana na uwezo wake wa kuongeza usikivu wa mwili kwa insulini (glucose tolerance).
7) Kuboresha Mfumo Wa Mmeng’enyo Wa Chakula.
Kitunguu maji kina nyuzinyuzi (dietary fibers) ambazo zinasaidia kuboresha mmeng’enyo wa chakula na kuzuia matatizo kama vile kukosa choo (constipation) kwa mwanaume.
HITIMISHO:
Kwa hiyo, kitunguu maji ni kiungo muhimu ambacho kinaweza kusaidia katika kuboresha afya ya mwili wa mwanaume kwa ujumla. Kutumia kitunguu maji katika lishe yako ya kila siku kunaweza kuwa na manufaa mengi kwa mwili.