Parachichi Kwa Mjamzito:
Parachichi kwa kiingereza: Avocado, ni tunda lenye faida nyingi kwa wanawake wajawazito kwa sababu lina virutubisho muhimu ambavyo vinaweza kusaidia afya ya mama na maendeleo ya mtoto aliye tumboni.
Leo katika mada yetu ya blogu hii tutazungumzia faida za kula parachichi kwa mjamzito. Ungana nami katika kuchambua faida hizi.
1) Kuimarisha Kinga Ya Mwili.
Vitamini C na E kwenye parachichi husaidia kuimarisha kinga ya mwili, ambayo ni muhimu kwa mjamzito ili kuzuia magonjwa.
2) Kudhbiti Shinikizo La Damu.
Parachichi lina kiwango cha juu cha potasiamu, ambayo husaidia kudhibiti shinikizo la damu. Shinikizo la damu lisilodhibitiwa linaweza kusababisha matatizo wakati wa ujauzito.
3) Kuboresha Afya Ya Moyo.
Mafuta ya parachichi yanaweza kusaidia kupunguza kiwango cha cholesterol mbaya (Low Density Lipopritein) na kuongeza cholesterol nzuri (High Density Lipoprotein), ambayo inasaidia kuboresha afya ya moyo.
4) Kusaidia Kwenye Mmeng’enyo Wa Chakula.
Parachichi lina kiasi kikubwa cha nyuzinyuzi (fibers), ambazo husaidia katika kumeng’enya chakula na kupunguza tatizo la kukosa choo, ambalo ni kawaida kwa wanawake wajawazito.
5) Omega-3 Na Omega-6.
Parachichi lina asidi mafuta ya Omega-3 na Omega-6, ambayo ni muhimu kwa maendeleo ya ubongo wa mtoto aliye tumboni na afya ya moyo wa mama.
6) Foliki asidi (Vitamini B9).
Foliki asidi (folate) ni muhimu sana kwa ukuaji wa afya ya ubongo na uti wa mgongo wa mtoto aliye tumboni, hasa katika miezi ya kwanza ya ujauzito kwa sababu inasaidia kuzuia matatizo ya neva maarufu kama neural tube defects kama vile tatizo la mgongo wazi kwa mtoto (spina bifida). Foliki asidi pia husaidia katika kuzuia upungufu wa damu (anemia) kwa mama mjamzito.
7) Kuimarisha Afya Ya Ngozi Na Nywele.
Vitamini na mafuta ya asili katika parachichi yanaweza kusaidia katika afya ya ngozi na nywele, ambayo inaweza kubadilika sana wakati wa ujauzito kutokana na mabadiliko ya homoni.
Soma pia hii makala: Mama Mjamzito: Vijue Vyakula Anavyopaswa Kula Na Vyakula Hatarishi Kwa Afya Yake Na Mtoto Aliye tumboni.
HITIMISHO:
Mama mjamzito kula parachichi kwa kiasi ni bora zaidi, kwani lina kalori nyingi. Kama unakabiliwa na matatizo yoyote ya kiafya au unahitaji maelekezo maalum kuhusu lishe yako wakati wa ujauzito, ni bora kushauriana na daktari wako au mtaalamu wa lishe.