Kumwaga Nje:
Ndiyo, mwanamke anaweza kupata mimba hata kama mwanaume akimwaga shahawa nje ya uke. Hii ni kwa sababu kuu zifuatazo:
1) Majimaji Ya Mwanzo (Pre-Cum) Yanaweza Kuwa Na Mbegu.
Kabla ya mwanaume kufika kileleni, hutoa majimaji ya awali (yanayoitwa pre-ejaculate). Haya majimaji huweza kuwa na mbegu za kiume, ambazo zinaweza kusababisha mimba endapo zitakutana na yai la mwanamke.
2) Kumwaga Nje Si Njia Salama Ya Uzazi Wa Mpango.
Ingawa njia hii (inayojulikana kama withdrawal method) hutumiwa na baadhi ya watu, si salama kwa sababu:
- Mwanaume anaweza kuchelewa kujitoa (perfect timing).
- Mbegu zinaweza kuvuja kabla hajajitoa.
- Haidhibiti hatari ya maambukizi ya magonjwa ya zinaa.
Kwa takwimu, karibu wanawake 1 kati ya 5 wanaotumia njia hii pekee hupata mimba kila mwaka.
3) Siku Za Hatari Huongeza Uwezekano Wa Mimba.
Ikiwa tendo la ndoa linafanyika wakati wa siku za hatari (ovulation) yani wakati yai linapoachiliwa kutoka kwenye ovari, uwezekano wa kupata mimba ni mkubwa zaidi — hata kwa mbegu chache sana.
HITIMISHO:
Kwa hiyo, kama lengo ni kuzuia mimba, ni vyema kutumia njia salama zaidi za uzazi wa mpango kama vile:
- Kondomu
- Vidonge vya uzazi wa mpango
- Vipandikizi, sindano, au IUD (kitanzi)
- Dawa ya dharura kama Postinor-2 (ndani ya saa 72 baada ya tendo)