Ukiachalia mbali wanawake, tatizo la harufu mbaya sehemu za siri ni changamoto inayowasumbua wanaume wengi pia duniani. Harufu mbaya kwenye sehemu za siri kwa mwanaume inaweza kusababishwa na mambo mbalimbali.
Leo katika mada yetu ya blogu hii tutazungumzia sababu kadhaa zinazochangia harufu mbaya sehemu za siri kwa mwanaume na jinsi ya kuondoa changamoto hiyo. Ungana nami katika somo hili.
1) Usafi Duni.
Kutokuosha vizuri sehemu za siri kunaweza kusababisha mkusanyiko wa jasho, bakteria, na seli zilizokufa, hivyo kusababisha harufu mbaya sehemu za siri.
Mfano: Kwa wanaume ambao hawajatahiriwa, kunaweza kuwa na mkusanyiko wa smegma (uchafu kwenye govi) unaotokana na mafuta na seli zilizokufa chini ya govi, ambao huweza kutoa harufu mbaya ikiwa usafi hautazingatiwa vizuri.
2) Jasho Na Unyevunyevu.
Mwanaume anayetokwa na jasho jingi, hasa kwenye maeneo ya mapaja na sehemu za siri, anaweza kupata harufu mbaya ikiwa maeneo hayo hayatapewa nafasi ya kupumua au kukauka.
Kuvaa nguo za ndani zisizopitisha hewa (mfano, za nailoni) kunaweza kufanya sehemu hizo ziwe na unyevunyevu, hivyo kuhimiza ukuaji wa bakteria na fangasi.
3) Maambukizi Ya Fangasi.
Dalili zake ni harufu mbaya sehemu za siri, kuwashwa, uwekundu kwenye uume au eneo la kinena na ngozi kubanduka.
4) Maambukizi Ya Bakteria.
Maambukizi ya bakteria kama vile maambukizi kwenye govi au kichwa cha uume (balanitis) yanaweza kusababisha harufu mbaya sehemu za siri.
5) Magonjwa Ya Zinaa (STIs).
Baadhi ya magonjwa ya zinaa kama kisonono, trichomoniasis, au chlamydia yanaweza kusababisha harufu mbaya sehemu za siri pamoja na dalili zingine kama usaha na maumivu wakati wa kukojoa.
6) Magonjwa Ya Ngozi.
Magonjwa ya ngozi kama psoriasis au eczema kwenye sehemu za siri yanaweza pia kuleta harufu mbaya sehemu za siri.
Njia Za Kuondoa Harufu Mbaya Sehemu Za Siri Kwa Mwanaume:
Zifuatazo ni njia zinazosaidia kuondoa harufu mbaya sehemu za siri kwa mwanaume:
1) Osha sehemu za siri mara kwa mara kwa maji safi na sabuni laini isiyo na kemikali kali.
2) Kama hujatahiriwa, hakikisha unavuta govi nyuma na kusafisha vizuri chini yake ili kuondoa smegma/unapata tohara haraka sana katika kituo cha afya au hospitali iliyokaribu nawe.
3) Kausha sehemu za siri vizuri baada ya kuoga ili kuepuka unyevunyevu unaoweza kuleta fangasi.
4) Vaa nguo za ndani safi zilizotengenezwa kwa pamba ili kuruhusu hewa kupita.
5) Kunywa maji ya kutosha ili kusaidia mwili kutoa taka mwilini kwa ufanisi.
6) Fanya uchunguzi wa magonjwa ya zinaa mara kwa mara, hasa ikiwa una wapenzi wengi au mwenza mpya.
HITIMISHO:
Ikiwa harufu inazidi au inaambatana na dalili kama vile muwasho, uvimbe, au usaha, muone daktari kwa uchunguzi zaidi.