Insulini ni homoni muhimu inayozalishwa na kongosho (pancreas) katika mwili wa binadamu.
Kazi kuu ya insulini mwilini ni kusaidia kudhibiti kiwango cha sukari (glucose) kwenye damu.
Lakini pia kazi zingine za insulini mwilini ni pamoja na:
1) Kupunguza Kiwango Cha Sukari Kwenye Damu.
Insulini inasaidia kushusha kiwango cha sukari kwenye damu kwa kuruhusu seli za mwili kutumia sukari kutoka kwenye damu kwa ajili ya nishati. Hii inafanyika kwa kuchochea seli za mwili, hasa zile za misuli na ini, kuchukua sukari na kuihifadhi kama glaikojeni.
2) Kudhibiti Uhifadhi Wa Nishati Mwilini.
Insulini inasaidia kubadilisha sukari iliyopo kwenye damu kuwa glaikojeni, ambayo ni fomu ya nishati ya muda mrefu inayohifadhiwa kwenye ini na misuli.
Glaikojeni inaweza kutolewa tena kwenye damu wakati mwili unahitaji nishati zaidi.
3) Kusaidia Katika Ukuaji Na Kujenga Mwili.
Insulini ina jukumu katika ukuaji na kujenga tishu za mwili.
Inachochea seli kuchukua virutubisho na kusaidia katika ujenzi wa protini na mafuta mwilini.
4) Kudhibiti Mchakato Wa Kimetaboliki.
Insulini inasimamia mchakato wa kimetaboliki mwilini kwa kuhakikisha kuwa virutubisho, kama vile wanga na mafuta, vinatumika kwa ufanisi katika kutoa nishati kwa mwili.
HITIMISHO:
Kwa watu wenye kisukari, kuna uhaba au kutofanya kazi kwa insulini, au mwili hautoi insulini ya kutosha.
Hii inaweza kusababisha kiwango cha sukari ya damu kuongezeka, na ndiyo sababu wagonjwa wa kisukari wanaweza kuhitaji matibabu kama vile sindano za insulini au dawa za kupunguza sukari ili kusawazisha kiwango cha sukari kwenye damu.
Ikiwa kuna tatizo katika kazi ya insulini, hii inaweza kusababisha hali inayojulikana kama kisukari, ambayo inahitaji usimamizi na matibabu maalum.